此湯只應天上有 灣仔鳥華亭拉麵

42

拉麵湯底一向都係豬骨湯嘅天下,但近年雞白湯慢慢抬頭,湯底濃而不油,清而香溢,深得食客喜愛。嚟到位於灣仔嘅鳥華亭拉麵,餐廳設計充滿日本風格,一入去就聞到濃香撲鼻嘅雞白湯味,試啖湯不禁覺得此湯只應天上有。

餃子
餃子係鳥華亭自家新鮮製作,餡料為韭菜豬肉,煎到金黃嘅外皮,一咬落去即刻爆汁,好好味!

〈好食〉此湯只應天上有 灣仔鳥華亭拉麵

唐揚雞
即叫即炸嘅唐揚雞,一客有六件,夠晒抵食!唐揚雞用上特別醬料配合鳥華亭嘅獨特秘製方法,炸到皮脆肉嫰又多汁。

〈好食〉此湯只應天上有 灣仔鳥華亭拉麵

明太子雞翼
脹卜卜嘅雞翼,入面釀咗好多明太子,鹹香十足,但仍保留雞翼嘅肉汁。

〈好食〉此湯只應天上有 灣仔鳥華亭拉麵

忌廉蟹肉餅
即叫即炸嘅忌廉蟹肉餅,咬落去之後,就見到絲絲嘅蟹肉,濃郁嘅忌廉湯汁,口感一流。

〈好食〉此湯只應天上有 灣仔鳥華亭拉麵

炸蓮藕片
蓮藕片切得非常薄,炸到脆卜卜,非常香口惹味。

〈好食〉此湯只應天上有 灣仔鳥華亭拉麵

特盛雞白湯拉麵
餐牌有5款拉麵,分別係至極雞白湯拉麵、辛辣雞白湯拉麵、魚介雞白湯拉麵、雞白湯拉麵,至於特盛雞白湯拉麵,其實即係雞白湯拉麵嘅進化版,配料份量更多!雞白湯嘅湯底呈米白色,味道充滿濃郁嘅清雞香味,濃而不油,清而香溢。配料有蓮藕、蘆筍、紫菜、糖心蛋等,至於平時食開嘅日式叉燒,就變成慢煮鷄胸肉,非常軟腍又嫩滑!

〈好食〉此湯只應天上有 灣仔鳥華亭拉麵