芭堤雅嘅燒雞翼風味 泰式串燒銅鑼灣Grill ขนทอง

31

去芭堤雅玩,就算唔去沙灘、唔玩水上活動、唔行夜市,都唔可以唔食燒雞翼!唔知點解芭堤雅嘅燒雞翼同泰式串燒好似特別好味,想回味泰式風味,原來喺銅鑼灣都有主打泰式串燒嘅銅鑼灣Grill ขนทอง。

柚子海鮮沙律
前菜就揀咗非常開胃嘅柚子海鮮沙律,配料有大蝦、墨魚、蜆肉、青木瓜絲、柚子、腰果等,非常足料!三款海鮮都非常鮮甜彈牙,但整份沙律嘅味道來自於青木瓜絲同柚子,酸酸甜甜,非常清新!

〈好食〉芭堤雅嘅燒雞翼風味 泰式串燒銅鑼灣Grill ขนทอง

酸辣鳳爪(杯裝)
無骨嘅鳳爪非常爽口,爽晒泰式酸辣汁,夠晒醒胃。

〈好食〉芭堤雅嘅燒雞翼風味 泰式串燒銅鑼灣Grill ขนทอง

泰式串燒
串燒即叫即燒,上枱一刻仲係熱辣辣。我哋分別叫咗雞肉串燒、雞中翼串燒、有機露荀串燒、白鱔串燒、豬頸肉串燒。最期待嘅燒雞翼絕對無失望,雞皮燒到非常香脆,肉汁juicy;豬頸肉串燒非常嫩滑,肉質爽口;至於白鱔串燒係餐廳嘅招牌串燒,白鱔厚身,口感結實,魚肉味香濃,唔會有泥味。但講到呢到啲串燒,除咗帶有焦香味之外,最正當然係香辣嘅燒烤醬汁,非常惹味。

〈好食〉芭堤雅嘅燒雞翼風味 泰式串燒銅鑼灣Grill ขนทอง

龍眼冰
食咗咁多串燒,就叫咗杯龍眼冰,甜度啱啱好,夠晒refreshing!

〈好食〉芭堤雅嘅燒雞翼風味 泰式串燒銅鑼灣Grill ขนทอง