觀塘嘅工廈卧虎藏龍，其實有唔少隱世餐廳選擇，但最緊要係識搵好味嘅推介！嚟觀塘返工嘅A姐今日就約咗同事去到壹玖陸零食lunch，餐廳嘅定位唔貴，環境舒服，重點係食物嘅味道唔錯，CP值算高！
紐西蘭走地雞扒配意式番茄醬
$60有找嘅紐西蘭走地雞扒配意式番茄醬，仲要唔洗加一，真係好抵呀！雞扒煎得好香唔會太乾，表面煎得少少燶，有少少焦香味，而且厚切仍然好juicy！配菜有薯仔同瓜，擺盤都幾靚架！
傳統卡邦尼意大利粉
意粉軟硬度適中，配料有煙肉粒，卡邦尼醬汁濃滑夠creamy，好滿足。
午餐仲有甜品附送，好抵食呀！
