高質江戶前Omakase 舍利鮨銅鑼灣總店

30

Omakase(廚師發辦)喺香港大受歡迎,新鮮嘅食材由日本空運到港,讓味覺重投久違嘅日本旅行。我哋提早成個月預約,終於一嘗舍利鮨銅鑼灣總店!舍利鮨銅鑼灣總店嘅門口以木色及素色為主調,但原來內有乾坤,餐廳入面竟然設有一個日式庭園,除咗增加空間感,更讓視覺同時投入久違嘅日本旅行呢!

〈好食〉高質江戶前Omakase 舍利鮨銅鑼灣總店

舍利鮨銅鑼灣總店
食Omakase(廚師發辦)最重要當然就係同廚師互動啦,舍利鮨銅鑼灣總店設有10席吧枱座位,大家可以近距離欣賞師傅嘅製作同功架!不過,由於座位唔多,加上舍利鮨銅鑼灣總店嘅口碑極佳,所以大家記住提前預約呀!

〈好食〉高質江戶前Omakase 舍利鮨銅鑼灣總店

舍利鮨Omakase:茶碗蒸
一坐低之後,料理師傅就送上茶碗蒸。呢個茶碗蒸以蔬菜湯熬製,上面放有蓮子同百合,以一個淡口味帶領我哋進入更鮮更濃嘅日本美食世界,確實有心思。

〈好食〉高質江戶前Omakase 舍利鮨銅鑼灣總店

舍利鮨Omakase:真鯛及深海池魚
真鯛配上以梅、清酒、木棉花等製作而成嘅煎酒啫喱,令真鯛嘅鮮味大大提升,非常清新醒胃!至於深海池魚加入豉油、芝麻同wasabi,味道香濃,同真鯛形成強烈對比!

〈好食〉高質江戶前Omakase 舍利鮨銅鑼灣總店

舍利鮨Omakase:時不知鮭魚壽司
所謂時不知鮭魚係因為三文魚習性係夏秋期間返日本產卵,但有少部份三文魚會提早至春夏期間游返日本,所以呢種三文魚產量非常少,加上體內尚未有卵,味道同一般三文魚好唔一樣,油份更加豐富,非常豐盈,被譽為係三文魚中嘅極品!

〈好食〉高質江戶前Omakase 舍利鮨銅鑼灣總店

舍利鮨Omakase:甜蝦壽司
甜蝦嘅份量勁多,非常彈牙,仲有膠口嘅感覺。但另外一個重點,呢度嘅壽司飯選用特製嘅赤醋飯,口感柔滑順口之餘,更能提升刺身嘅鮮味。