上班一族的下班天堂 旺角三人行燒烤專門店

62

返咗成日工,放工真係要搵個地方chill吓!講到chill又點少得食串燒呢?放工一於約埋班friend去到香港嘅中心,咁就夠晒方便啦!推介位於旺角嘅三人行燒烤專門店,餐廳門口已經充滿燒烤嘅孜然味,聞落已經夠晒惹味。

枝豆
燒烤即叫即燒,等緊串燒嘅時候,就叫咗份枝豆,可以一路傾住偈,一路食住等。

<好食>上班一族的下班天堂 旺角三人行燒烤專門店

蒜蓉燒原條茄子
茄子絕對係每次去串燒店必食之一,茄子上面舖滿大量蒜蓉同調味料,燒完之後非常惹味!

<好食>上班一族的下班天堂 旺角三人行燒烤專門店

芝士雞扒墨西哥薄餅
店員重點推介嘅芝士雞扒墨西哥薄餅,確實有驚喜。芝士比例勁多,令薄餅完全唔乾,加上juicy嘅雞扒,同香脆嘅餅底,充滿多重口感嘅衝擊。

雞肉類
雞肉串燒嘅選擇都唔少,我哋就揀咗雞全翼、雞腎串同雞胸軟骨。特別推介雞胸軟骨,比食開嘅雞軟骨更脆口彈牙,重點係少咗油膩感。

<好食>上班一族的下班天堂 旺角三人行燒烤專門店

牛肉類
牛肉係絕對唔少得嘅串燒,我哋揀咗金菇肥牛卷、安格斯牛肋串、鹽燒牛舌串同牛柳串。而牛肉串燒嘅火候同時間控制好重要,餐廳燒到啱啱好,又唔會太老。我就特別中意牛舌串,肉味香濃,牛舌爽口彈牙,絕對值得encore!

豬肉類
燒到微燶嘅豬肉真係冇得輸!西班牙黑毛豬肋串同豬頸肉串都係我哋嘅推介,其中豬頸肉嘅油脂豐富,有種接近入口即溶嘅感覺。

羊肉串
有人話羊肉一定要有羊羶味先好食!加上調味粉調味,淡淡嘅羊羶味加上秘製調味,真係好有層次。

<好食>上班一族的下班天堂 旺角三人行燒烤專門店

芝士豆腐
係咁凍嘅天氣食入面食流心食物,會令你頓時暖入心。而且重點係芝士豆腐做到拉絲嘅感覺,夠晒驚喜!