一個人原來都可以盡興 銅鑼灣Solo Udon

45

食拉麵可以一人一格,咁點解同樣嚟自日本嘅鳥冬唔可以呢?今次嚟到食肆臨立,位於銅鑼灣嘅登龍街嘅Solo Udon。Solo Udon以烏冬為主打,座位設計為一人一格,保證每個人都有自己嘅空間,絕對一個人原來都可以盡興。

 

Solo Udon嘅讚岐烏冬麵係用上北海道小麥粉製成,由日本職人師傅每日親身製作。想落order叫番碗讚岐烏冬都好簡單,每個獨立間板上都會有一個Scanner,只要嘟一嘟收據上嘅QR code,再耐心等一陣,師傅就會拉起布幕為你呈上你order嘅食物。

〈好食〉一個人原來都可以盡興 銅鑼灣Solo Udon

櫻花蝦芫荽餅天婦羅
天婦羅炸得十分鬆脆,大大隻嘅櫻花蝦為主調,加入一啲都唔孤寒嘅芫茜真係大滿足呀!

〈好食〉一個人原來都可以盡興 銅鑼灣Solo Udon

明太子芝士春卷
鍾意食芝士嘅你就一定唔可以錯過呢個明太子芝士春卷,因為一切開個春卷,芝士迷最愛嘅拉絲芝士就出現啦,個賣相勁吸引呀!

〈好食〉一個人原來都可以盡興 銅鑼灣Solo Udon

蛋黃天婦羅
店家用上日本產嘅可生食雞蛋製作,一啖咬開個蛋黃天婦羅,啲蛋汁爆晒出嚟,勁滿足呀!流心嘅蛋黃真係好吸引,完全係極致嘅享受,但奈何只係得一粒蛋黃天婦羅,真係要再encore啊!

〈好食〉一個人原來都可以盡興 銅鑼灣Solo Udon

安格斯牛肉壽喜燒烏冬麵
牛肉份量唔少,肉味香濃嫩滑,加上日本溫泉蛋,絕對係係壽喜燒汁嘅最佳拍擋。

〈好食〉一個人原來都可以盡興 銅鑼灣Solo Udon

雞白湯叉燒烏龍麵
呢個雞白蛋非常香濃,真係忍唔住未食烏冬就飲咗幾啖湯呀!雞白湯非常,肥美嘅日式叉燒同烏龍麵掛上雞白湯,真係好好味,清香嘅雞白湯更可以中和豬肉嘅油膩感。

〈好食〉一個人原來都可以盡興 銅鑼灣Solo Udon

草莓/抹茶罐裝牛乳蛋糕
呢兩個牛乳蛋糕賣相一流,啱晒大家打卡!而且蛋糕係店家每日自家製,味道甜而不膩,絕對係適合香港人嘅口味!

〈好食〉一個人原來都可以盡興 銅鑼灣Solo Udon