科學館嘅專題展覽一向都非常吸引，今期就以恐龍為主題，推出八大．尋龍記，一班鍾意恐龍嘅小朋友同恐龍迷真係唔可以錯過！八大．尋龍記最大賣點係展出8具恐龍化石骨架，想了解恐龍嘅特性，或者嚟一個侏羅紀嘅打卡假期都唔錯。八大．尋龍記嘅展期延長至2023年2月22日，仲未去嘅朋友，就要把握最後機會喇！
門票預約：www.klook.com
參觀科學館嘅八大．尋龍記係免費嘅，但記住要提早預約！
恐龍骨骼模型
科學館嘅八大．尋龍記展出8具恐龍化石骨架，分別係暴龍、三角龍、異特龍、梁龍、西龍、棘龍、哈特茲哥翼龍同幼齡蜥腳類恐龍，當中最受大家歡迎一定係恐龍界嘅王者：暴龍啦！除咗暴龍之外，三角龍、異特龍、梁龍、西龍都係以化石真品與重構骨骼組裝呈現，完整度極高，好似帶咗我哋返去侏羅紀嘅恐龍時代。
