行山後遺症 屯門花火漁屋

16

今日去咗行難度比較高,位於屯門嘅青山,行咗成日山就會出現行山後遺症,就係非常肚餓喇!所以小編去到附近嘅山景商場醫肚搵食!估唔到商場入面都有一間高質日本餐廳:花火漁屋,餐廳標榜每日由日本漁市場新鮮飛機直送,一於獎勵一吓行完山嘅自己。

赤伊佐姬刺身
九州直送嘅赤伊佐姬,又名赤伊佐木,呢種魚嘅當造期為六月至九月。白身魚嘅魚味一定無赤身魚咁濃,但勝在甘甜,魚味齒頰留香。而且稍稍燒過嘅外皮帶出油份,令魚香更加突出。

〈好食〉行山後遺症 屯門花火漁屋

牛舌芯+雞翼串燒
串燒嘅火候同調味控制都恰到好處,值得一讚嘅係牛舌芯嘅厚薄適中,軟腍彈牙,令小編忍唔住encore多一串。

〈好食〉行山後遺症 屯門花火漁屋

角切魚生丼
丼飯嘅魚生足足有成六款,包括熟蝦、油甘魚、三文魚、八爪魚、三文魚籽、蟹籽,種類豐富,而且魚生嘅份量唔少,夠晒新鮮,性價比十足。

〈好食〉行山後遺症 屯門花火漁屋