沖繩木盒蒸 北角野郎蒸

12

想食到食物嘅原味道,最好就係蒸,而且蒸嘅烹調方法相對健康。不過蒸絕對唔係海鮮嘅專利,蒸牛肉同蒸蔬菜都可以好好味。今日我哋就去到北角嘅北角匯,試吓野郎蒸。野郎蒸主打沖繩木盒蒸,將新鮮嘅食材放入木盒內蒸,蒸完後加少少調味就食得,新鮮又好味。

〈好食〉沖繩木盒蒸 北角野郎蒸

美國牛肉片蒸籠定食
蒸大概5分鐘就食得,我哋叫咗美國牛肉片蒸籠定食,牛肉份量好多,大概有8大片,牛肉蒸完後,仍然好嫩滑。蔬菜有蕃茄、菇、紅蘿蔔、椰菜絲,蔬菜索晒牛肉嘅精華,好香濃入味。店員建議我哋將牛肉包著蔬菜,加啲胡麻醬就食得,入口層次豐富,好新鮮,好好味。至於,定食仲有包湯同飯,夠晒飽。

〈好食〉沖繩木盒蒸 北角野郎蒸

石燒牛柳
除咗蒸,呢度仲有石燒!你可以根據個人食量選擇份量,我哋就叫咗牛柳,牛柳軟腍,肉味香濃。上枱時記住要先切開,靠石板嘅溫度燒熱塊牛柳,當然生熟度可以按個人喜好,好似我想要3成熟,而A姐鍾意5成熟,就要自己留意火喉喇。

〈好食〉沖繩木盒蒸 北角野郎蒸