單車慢活遊濕地紅樹林 輕鬆郊遊天水圍尖鼻咀

18

唔知你有冇諗過,踩住㗎單車,兩邊係濕地同紅樹林,可以一邊感受大自然嘅涼風,聽住雀仔嘅叫聲,欣賞候鳥嘅飛翔,悠然自得咁享受一次郊遊旅程呢?呢個地方原來香港都有,位於天水圍嘅尖鼻咀,可以欣賞后海灣嘅大自然景色,同時遠眺對岸深圳蛇口一帶嘅繁榮,無論係踩單車定選擇行路,都係一個唔錯嘅一天遊選擇。

前往方法
1. 如果想踩單車,慢活遊走尖鼻咀,可以喺天水圍市區租單車
2. 自駕遊:喺龜山/唐夏寮涼亭入口處有少量停車位
3. 喺元朗大榮華酒樓旁邊坐小巴 35 號,到達尖鼻咀迴旋處落車

提提你
1. 尖鼻咀絕大部份都係平路,甚少起伏,係香港其中一條合家歡,難度唔高嘅路線,但大家都記住要量力而為
2. 龜山/唐夏寮涼亭上山入口設有流動洗手間,但衞生麻麻
3. 沿路都冇任何補給站,大家記住自備環保水壺同小食,為保護大自然,請勿攜帶即棄樽裝飲品
4. 尖鼻咀係大自然景區,所以蚊蟲極多,建議噴定蚊怕水同穿素色衣服
5. 記住保持環境清潔,自己垃圾自己帶走,絕對唔可以破壞大自然環境

尖鼻咀迴旋處
坐小巴去達尖鼻咀迴旋處之後,就已經係第一個景點!喺迴旋處對出嘅欄杆,就可以遠眺后海灣同對岸深圳嘅景色。

【本地遊】單車慢活遊濕地紅樹林 輕鬆郊遊天水圍尖鼻咀
【本地遊】單車慢活遊濕地紅樹林 輕鬆郊遊天水圍尖鼻咀
【本地遊】單車慢活遊濕地紅樹林 輕鬆郊遊天水圍尖鼻咀
【本地遊】單車慢活遊濕地紅樹林 輕鬆郊遊天水圍尖鼻咀

龜山/唐夏寮涼亭
喺欄杆及停車場後邊,就有一條大約200級嘅樓梯,可以登上海拔71米嘅龜山。龜山上有一個唐夏寮涼亭,喺呢度吹下風都幾舒服。不過周圍都被大樹包圍,所以唔係一個欣賞景色嘅好地方。

【本地遊】單車慢活遊濕地紅樹林 輕鬆郊遊天水圍尖鼻咀
【本地遊】單車慢活遊濕地紅樹林 輕鬆郊遊天水圍尖鼻咀
【本地遊】單車慢活遊濕地紅樹林 輕鬆郊遊天水圍尖鼻咀

尖鼻咀
離開龜山,沿住深灣路方向繼續向入行,呢條路無許可證嘅私家車不能進入,但就吸引唔少人嚟踩單車。整段路段都係平路為主,沿路景色都係后海灣、紅樹林同深圳對岸嘅高樓大廈景色。

【本地遊】單車慢活遊濕地紅樹林 輕鬆郊遊天水圍尖鼻咀
【本地遊】單車慢活遊濕地紅樹林 輕鬆郊遊天水圍尖鼻咀