香港仔避風塘遊船河 連接香港仔及鴨脷洲嘅舢舨街渡

101

如果話連接香港島同九龍,穿梭維多利亞港嘅天星小輪係人生50個必到景點;咁連接香港仔同鴨脷洲,穿梭香港仔避風塘嘅舢舨街渡就應該係香港必到嘅深度景點喇!呢條航線係市區內最後一條舢舨街渡航線,除咗吸引遊客之外,亦便利往返兩地嘅居民添!

上船落船位置
鴨脷洲:位於悅海華庭對出嘅碼頭
香港仔:設有兩個上船及落船位置,分別位於香港仔海濱公眾登岸梯級、香港仔魚類批發市場街渡碼頭
航程大約4分鐘,喺鴨脷洲上船嘅時候,因為香港仔分為兩個目的地,所以要小心唔好上錯船呀!

【本地遊】香港仔避風塘遊船河 連接香港仔及鴨脷洲嘅舢舨街渡
【本地遊】香港仔避風塘遊船河 連接香港仔及鴨脷洲嘅舢舨街渡

舢舨街渡
呢條航線喺1950年代開辦,直至1980年鴨脷洲大橋通車,至90年代多條巴士路線陸續開啟,令舢舨街渡嘅客量大減,甚至傳出停航嘅消息。但南港島線開通之後,舢舨街渡反而吸引香港仔市民坐舢舨街渡至利東站坐港鐵出市區。

【本地遊】香港仔避風塘遊船河 連接香港仔及鴨脷洲嘅舢舨街渡