今日午餐A姐M佬就嚟到位於銅鑼灣The L Square嘅The Musicbox Grill House & Bar，由於店主係一位音樂人，所以相信食嘢嘅時候聽埋音樂，係可以為食物加分，變得更享受每一種味道呀！其實有唔少餐廳都會播歌，但係The Musicbox Grill House & Bar就有一個少見嘅打碟嘅位置，不定時會有DJ駐場，真係又chill又有feel呀！
新英倫粟米周打湯
Set Lunch會跟湯，今日餐湯係新英倫粟米周打湯，呢個忌廉湯非常creamy，入面有薯仔同蜆肉，令口感大大提升。餐湯仲配有一件多士，非常香脆可口。
波本風味雞翼
第一次食波本雞翼，原來係超好味！波本雞翼味道非常有層次，帶有濃郁嘅蒜香味道，非常入味。
辣椒什錦海鮮薄餅
呢個Pizza即叫即整，所以夠晒新鮮熱辣。Pizza嘅配料以海鮮為主，有蝦、蜆肉同帶子等，值得一讚嘅係，啲蜆肉好大粒，好飽滿呀！但如果配料份量再多啲，就更加滿足喇！醬汁鋪滿Pizza每個角落，所以食嘅時候真係好滋味，而Pizza最正當然係香脆嘅批邊啦！
經典炸魚薯條
呢個炸魚薯條絕對係必點推介！炸魚絕對唔係死實實嘅冰封雪魚，因為魚肉夠嫩滑，炸得香口，外脆內嫩。
