「如果可以倒流時光，你最想去邊一個時空呢？」我最想去你出世嘅時空，見證你嘅成長故事。雖然穿越時空看似無可能，但我哋就去咗位於上環嘅人氣精緻復古餐廳：荼香。原來荼香嘅老闆本身喺銅鑼灣經營一間古董店，所以餐廳有不少古董做裝飾，彷彿走進時光隧道，環境氣氛非常有格調，我哋享受食物嘅同時就分享一吓我哋嘅成長故事啦！
Tomato salad with red wine vinegar, strawberry juice and burrata
頭盆叫咗嗰清新嘅番茄沙律，車厘串茄鮮甜多汁，食得出好新鮮，再配埋紅酒醋和草莓汁，真係好開胃！連埋上面嘅Burrata一齊食，真係好似我哋一樣咁襯呀！
Parsnip soup with lemon zest, mint oil
天氣凍咗，最啱飲啖湯暖下個身。呢個歐洲防風根草湯十分有驚喜，味道淡淡然，加上檸檬皮同薄荷油，味道好有層次，非常滿足。
Homemade pasta with local seafood and spicy tomato sauce
我哋主菜叫咗自家製意大利麵配本地海鮮及辣番茄醬。手工意粉好幼身，質感豐富，食落口有啲似伊麵。海鮮非常足料，有魚塊同海蝦肉。最正係每一條意粉都掛上辣番茄醬，仲有好香嘅海鮮味，非常惹味！
Prime sirloin with wild garlic, maitake, beef jus
呢個上等西冷賣相非常吸引，表面煎得剛好，鎖住肉汁，牛味香濃，特製牛肉汁更係神來之筆，吊出西冷嘅鮮味。配料嘅野蒜、舞茸由香䓤都充滿驚喜，可見廚師嘅一絲不苟。
