「踩冰」絕對係上世紀嘅潮語，真係暴露年齡系列呀！但其實大家多唔多去溜冰呢？我同M佬兩個一齊只係溜過兩次冰，因為M佬平衡力實在太差，所以嗰兩次溜冰經驗，我都係笑足全程，亦令M佬蒙上溜冰陰影！但邊度跌低就邊度起返身，所以我哋嚴選港九新界7大真雪溜冰場，一文睇晒開放時間、價錢收費等全攻略，讓M佬再次踏上冰途。
提提你
喺疫情高峰期間，溜冰場曾經暫停開放，但依家溜冰場經已重新對外開放，大家去溜冰嘅時候，記住留意同遵守以下防禦措施嘅安排：
1. 溜冰場實施人數限制，只可接待容納人數嘅一半數量
2. 由於可容納人數減少，所以溜冰場劃起部份時段為溜冰課堂時段，並不接受公眾入場，所以大家出發前，記得瀏覽溜冰場之官方網頁，了解公眾時段之入場時間
3. 凡進入溜冰場之人士必須量度體溫，確保體溫正常
4. 凡進入溜冰場之人士必須全程佩戴口罩
5. 凡於過去14 天內曾離開香港之人士或與曾離港之人士的密切接觸者，不可進入溜冰場
6. 如有任何出現呼吸道感染病徵，不可進入溜冰場
7. 必須遵守禁止羣組聚集規例，不得多於16人羣組聚集及與其他羣組或他人保持1.5米社交距離
8. 每日定時消毒客人可觸及的位置
太古城中心冰上皇宮 Ice Palace
開放時間：星期一至星期五 09:30 – 22:00；星期六 09:00 – 22:00；星期日 09:00 – 20:00（部份時般為溜冰課堂時段，不接受公眾入場，詳情請瀏覽官方網頁）
收費：星期一至星期四$70；星期五$75；星期六及星期日$95
冰面面積：800平方米
賣點：作為港島區唯一嘅溜冰場，太古城中心冰上皇宮Ice Palace溜冰場喺2020年作全面翻新，採用環保製冷劑同時更新音樂系統及燈光設備，令溜冰體驗更高質
又一城歡天雪地glacier
開放時間：星期一至星期五 10:45 – 21:00；星期六 09:30 – 22:00；星期日 08:30 – 22:00（部份時般為溜冰課堂時段，不接受公眾入場，詳情請瀏覽官方網頁）
收費：星期一至星期五 $70；星期六及星期日 $90
冰面面積：1,150平方米
賣點：因為新界東係無溜冰場，而最近嘅溜冰場就係九龍塘又一城嘅歡天雪地glacier溜冰場！又一城歡天雪地glacier溜冰場係全港面積第四大嘅溜冰場，空間感十足，加上又一城商場亦設有戲院、各類型商舖同食肆，啱晒大家玩足一整日呀
西九龍中心飛龍冰上樂園 Sky Rink
開放時間：星期一 10:30 – 20:00；星期二 10:30 – 21:30；星期三 10:30 – 21:00；星期四 10:30 – 19:30；星期五 10:30 – 20:00；星期六 10:30 – 21:00；星期日 10:30 – 18:00（部份時般為溜冰課堂時段，不接受公眾入場，詳情請瀏覽官方網頁）
收費：星期一至星期日 $80
冰面面積：738平方米
賣點：除咗新界南之外，新界西自從元朗同荃灣嘅溜冰場執笠之後，地理位置最近新果西嘅溜冰場就係西九龍中心嘅飛龍冰上樂園Sky Rink。不過，呢個溜冰場除咗細，就係舊。但收費相對親民，所以仍深得大家喜愛
九龍圓方The Rink
開放時間：星期一至星期日 10:00 – 22:30（部份時般為溜冰課堂時段，不接受公眾入場，詳情請瀏覽官方網頁）
收費：$20入場費，另加$1/分鐘（星期一至星期四）；$1.5/分鐘（星期五至星期日）
冰面面積：920平方米
賣點：位於九龍站圓方嘅The Rink溜冰場採用全港唯一嘅每分鐘收費概念，每次出入冰面都要拍八達通卡，所以非常適合溜冰時間短嘅玩家，但如果想長時間溜冰嘅話，收費就會好貴
日出康城 LOHAS Rink
開放時間：星期一至星期日 10:00 – 22:00（部份時般為溜冰課堂時段，不接受公眾入場，詳情請瀏覽官方網頁）
收費：星期一至星期四$65；星期五$70；星期六及星期日$85
冰面面積：1,579平方米
賣點：位於日出康城嘅LOHAS Rink溜冰場係全港最新嘅溜冰場之一，加上面積為全港第二大，符合國際溜冰場標準
