日本廉航推「機票扭蛋」　¥5000隨機抽目的地

今年8月，樂桃航空將首部機票扭蛋機設喺大阪心齋橋，估唔到反應非常熱烈，於是樂桃噚日起（10月13日）再於東京澀谷PARCO百貨推出另一個扭蛋機，開張首日已經大排長龍。今次嘅機票出發地係東京成田機場，目的地就包括關西（大阪）、福岡、長崎、宮崎、奄美、石垣等11個地方。

打開扭蛋之後，顧客會得到Peach點數、小任務同襟章，當中嘅點數足夠喺官網購買指定目的地機票，而使用期限為明年3月底。回程機票方面，顧客只要飛往扭蛋目的地，完成預設小任務，再上傳到社交平台，就會得到3000點數買回程票。如果香港旅行社或者航空公司推出類似活動，你又會唔會有興趣？