全新木系文青精品酒店 尖沙咀低調高質山林舍

23

尖沙咀有唔少星級品牌酒店,相信大家近期都玩咗唔少Staycation,仲留低唔少腳毛添!今次我哋住嘅Staycation就冷門啲,嚟到位於尖沙咀山林道嘅山林舍。山林舍以深色木系為主題嘅精品酒店,雖然新開張,但住過嘅朋友都大讚酒店私隱度高,價錢平之餘,口碑仲相當唔錯。

酒店大堂
山林舍位於尖沙咀山林道,大概行5分鐘,就可以去到佐敦港鐵站或前往彌敦道搭乘往各區嘅巴士路線。由於山林舍位處山林道,落街就有好多餐廳選擇,附近仲有人氣日式超市,想行街買嘢同補給日用品都夠晒方便!

【香港Staycation】全新木系文青精品酒店 尖沙咀低調高質山林舍

山林舍嘅check-in counter位於4樓,check-in採用自助登記入住系統,只要將身份證或護照放上自助系統就可以辦理手續。酒店除咗提供過夜,亦提供時鐘住宿服務,大家亦可以直接嚟到山林舍,透過自助系統即時比錢就可以入住。至於匙卡同一般酒店唔同,採用收據紙,紙上印有QR code以乘搭電梯同進入房間。所以check-out嘅時候,可以直接將收據紙撕掉。由於全程唔駛接觸前台職員,所以住過嘅人都大讚私隱度夠晒高!另外,提提你,酒店並不接受18歲或以下人士入住架!

【香港Staycation】全新木系文青精品酒店 尖沙咀低調高質山林舍
【香港Staycation】全新木系文青精品酒店 尖沙咀低調高質山林舍

房間區域
山林舍一共提供82間客房,分為5種房型:標準客房、優越客房、豪華客房、行政套房同頂層套房。酒店以深色木系為主題,無論大堂、走廊定房間都好有格調,感覺非常有質感。由於酒店嘅標準客房都只係HK$350左右一晚,所以M佬今次話住豪啲,入住21樓頂層,最高級嘅頂層套房。