日本人主理拉麵小店 大角咀大丸拉麵

7

呢間位於大角咀嘅大丸拉麵,除咗好味,仲好養眼㗎,因為個日籍老闆兼廚師好靚仔㗎!其實都係因為M佬鍾意食拉麵,我先帶佢嚟呢間日本人主理嘅拉麵小店囉!入到嚟大丸拉麵,除咗播放日文歌,裝修擺設充滿和風之外,店員同老闆都係用日文溝通,真係重拾久違嘅日本旅行呀!

〈好食〉日本人主理拉麵小店 大角咀大丸拉麵

白丸

M佬叫咗白丸,白丸其實係鹽味豬骨湯底拉麵。餐牌寫上加入喜馬拉雅山、意大利同埋沖繩嘅鹽,雖然食嘅時候,我真係唔識分辨喜馬拉雅山、意大利同埋沖繩嘅鹽,但湯底真係好有層次!首先用豬骨熬製嘅湯底非常濃厚但又唔油膩,之後就會感受到淡淡嘅海鹽味,另外落單時記住加埋醃檸檬,令成個湯底更清爽。另外,M佬就揀咗粗麵,粗麵相對軟腍,而配料有叉燒、溏心蛋、紫菜、木耳同蔥花。

〈好食〉日本人主理拉麵小店 大角咀大丸拉麵
〈好食〉日本人主理拉麵小店 大角咀大丸拉麵