灣仔藥膳雞湯米線 盈記四季養生麵館

6

食米線真係會食上癮㗎!講真米線之所以咁吸引,好大原因係嚟自個湯底!除咗一般嘅酸辣同麻辣,仲有相對養生嘅藥膳湯底分庭抗禮,各有所好。我哋今日就嚟到位於灣仔嘅盈記四季養生麵館,呢度除咗主打嘅藥膳雞湯,仲有蕃茄湯底同叻沙湯底。

藥膳上湯自家製水餃
水餃嘅湯底同樣嚟自鎮店嘅藥膳上湯,湯底充滿濃香嘅藥材味,而水餃係自家製,餡料豐富,充滿口感。

〈好食〉灣仔藥膳雞湯米線 盈記四季養生麵館
〈好食〉灣仔藥膳雞湯米線 盈記四季養生麵館

藥膳農場雞麻油養生湯米線
湯底濃郁又夠足料,眼見有紅棗、圓肉、木耳等,味道甘甜。由於我哋加埋麻油,令湯底更帶有麻油香味,味道非常有層次。雞有4件,其中2件雞髀、1件雞胸同1件雞背脊,雖然唔太明點解每個部位一件,但雞髀確實嫩滑。

〈好食〉灣仔藥膳雞湯米線 盈記四季養生麵館
〈好食〉灣仔藥膳雞湯米線 盈記四季養生麵館

鮮茄牛肋條湯通粉
除咗藥膳湯底,店員亦推介鮮茄湯底,酸酸甜甜特別適合無乜胃口嘅夏天。蕃茄味濃郁,我哋特別選擇咗通粉,因為通心嘅部份會索晒啲蕃茄湯,好惹味。至於牛肋條份量超多,仲帶點牛筋,好有口感。