食得夠尖夠地道夠風味 銅鑼灣信記避風塘海鮮美食

5

食海鮮你會去西貢?離島?流浮山定香港仔?但呢啲都滿足唔到為食又想打卡嘅我哋,因為今次我哋嚟到信記避風塘海鮮美食,呢度同一般嘅酒樓餐廳唔同,因為我哋要坐駁船去到銅鑼灣避風塘內嘅艇仔食飯,食真正嘅避風塘炒蟹,咁至係食得更尖、更地道同最夠風味!

如果想嚟信記避風塘海鮮美食打卡食飯,就要記住要預先book位,之後店主就會send whatsapp確認。信記主要提供海鮮套餐,當然你亦可以散叫自己想食嘅海鮮啦。我哋今日就叫咗個6人餐,再加多個炒飯啦!

〈好食〉食得夠尖夠地道夠風味 銅鑼灣信記避風塘海鮮美食
〈好食〉食得夠尖夠地道夠風味 銅鑼灣信記避風塘海鮮美食

秘製手撕雞
份量十足,除咗手撕雞,仲有雞腎同海哲,麻油香味十足,好開胃。

〈好食〉食得夠尖夠地道夠風味 銅鑼灣信記避風塘海鮮美食

白灼基圍蝦
基圍蝦大大隻,肉質鮮甜結實,蝦頭仲有唔少膏㗎!

〈好食〉食得夠尖夠地道夠風味 銅鑼灣信記避風塘海鮮美食

避風塘炒肉蟹
6人餐有2大隻肉蟹,蟹蓋有唔少膏,蟹肉鮮甜,加上避風塘炒法,令味道更有層次,非常惹味。肉蟹上面有大量炒蒜,炒到乾身,鹹香十足,非常脆口。

〈好食〉食得夠尖夠地道夠風味 銅鑼灣信記避風塘海鮮美食

避風塘豉椒炒蜆
值得一讚係蜆肉大大粒,粒粒都開晒仲要全部無沙。豉椒炒法非常惹味,豉汁濃郁微辣,好好味。

〈好食〉食得夠尖夠地道夠風味 銅鑼灣信記避風塘海鮮美食

白灼東風螺
毫無技巧嘅白灼煮法,更食到螺肉嘅鮮甜。螺肉份量唔少,廚師更細心將螺肉前嘅蓋預先剪走,令食嘅時候更加方便。

〈好食〉食得夠尖夠地道夠風味 銅鑼灣信記避風塘海鮮美食

蒜蓉蒸蟶子王
新鮮又大隻嘅蟶子王,用蒜蓉清蒸就就好味,靠蒜蓉嘅香味就可以帶出蟶子嘅鮮甜味喇!講到好味,又點少得伴碟嘅粉絲呢?索晒蒜蓉同蟶子精華嘅粉絲,絕對係一大亮點。

〈好食〉食得夠尖夠地道夠風味 銅鑼灣信記避風塘海鮮美食

灼油菜
食咗咁多海鮮,就食番碟油菜。油菜有光澤,口感爽脆。

〈好食〉食得夠尖夠地道夠風味 銅鑼灣信記避風塘海鮮美食