卑路乍灣海濱開放 西環一日遊6大好去處 碼頭影天空之鏡/睇日落

12

西環堅尼地城卑路乍灣海濱休憩用地日前(19日)全面24小時開放,佔地約5,900平方米的用地設有寵物角,市民可以寫繫上牽繩的寵物入內。休憩用地亦有不少打卡位,例如可愛巨型針織公仔、全新印章裝置,小朋友可以集郵!《香港01》旅遊記者精選西環一日遊6大好去處,包括IGable的西環碼頭、港女打卡必去西環泳棚、Infiniti C,以及米芝蓮煲仔飯名店。

【第一站】📸打卡文青相最[email protected]西環貨物裝卸區

西環貨物裝卸區(或稱西環碼頭)擁無敵大海景,更有「港版天空之鏡」,連電影《春嬌救志明》都有去拍攝。大量竹棚堆起的竹牆、疊起、有不同顏色的貨櫃做背景板,通通都是西環碼頭的打卡元素。想影得更加有mood、小清新感?在黃色、黑色相間的燈柱石座下打卡就最有feel!📸👇👇

最多人打卡的燈柱。(資料圖片)
想影長腿照就要搵這個燈柱,下面的黃黑色相間底座非常有代表性。(ig@ cryvina)
碼頭視野廣闊,所以傍晚時分睇日落都好靚!(資料圖片)
當日落及水漲時的海水打上路面,仲有機會影到天空之鏡!(ig@ lawchunting)
大堆竹枝砌成的竹棚是熱門的打卡背景板,不過要坐上去就有點危險,不要亂試。(ig@ chuangpig)
大型貨物拉架。(ig@ yattungtung)
不同顏色的貨櫃都是打卡必影。(ig@ jakenyves)

【第二站】🌅最新睇日落勝地@卑路乍灣海濱

卑路乍灣海濱休憩用地全面24小時開放,成為最新西環打卡熱點,傍晚仲可以欣賞日落。佔地約5,900平方米的休憩用地有遮蔭座椅、綠化園境、寵物角,仲有巨型七彩針織公仔,帶小朋友打卡就最適合。中央位置的活動平台、座椅由運貨用的卡板搭建成,可以自由拼砌、自由組合。仲有一個隱藏遊戲?按下圖即睇👇👇

海濱長廊環境舒適,跑步、放狗、睇日落都好適合。(資料圖片)
休憩用地設有寵物角,市民可以帶埋有牽繩的寵物前去散步。(資料圖片)
巨型針織公仔。(資料圖片)
巨型針織公仔。(資料圖片)
中央位置仲有七彩繽紛的針織公仔做裝飾。(資料圖片)
仲有最新推出的印章裝置可以集郵,最適合小朋友玩樂。(政府新聞處)
放工後在座椅上休息,非常休閒。(資料圖片)
+3

【第三站】😋粉藍色伯爵茶蛋糕打卡必試@Infiniti C

鄰近堅尼地城港鐵站,Infiniti C是一間主打無麩質的純素cafe,裝潢以粉藍色、黑色為主,店內設有吧枱位、梳化位。招牌粉藍色伯爵茶蛋糕,外層是碟豆花製成的粉藍色忌廉,裏面是鬆軟的伯爵茶海綿蛋糕,有淡淡的伯爵茶香。想知牛油果班戟有幾正、價錢?按下圖即睇🍰👇👇

招牌伯爵茶蛋糕($72),粉藍色的忌廉蛋糕非常特別,原來是由碟豆花製成。(ig@ lazyprincessanthea)
法式薰衣草伯爵茶蛋糕,,淡淡的薰衣草香味,伯爵茶海綿蛋糕味道不算濃郁。(駱煥琳攝)
打卡必點這款蛋糕。(駱煥琳攝)
牛油果班戟($108),大量切片牛油果、香蕉、水果,口感清爽,班戟的口感較濕潤!(駱煥琳攝)
Ginger Elderflower Sprity($68)(駱煥琳攝)
(ig@ feedingmefeedingyou)
(駱煥琳攝)
+3

Infiniti C

地址:西環堅尼地城科士街40號浚峯地下6號舖

電話:3460 4996

【第四站】☕藝術氣息濃厚咖啡店@Lex Coffee

精品咖啡融合高級西餐的Lex Coffee,餐廳裝修像高級精品店又像畫廊,牆上掛滿色彩繽紛的滑板、畫作、藝術品,天花板懸掛鏤金吊燈,環境有格調、有空間感。主菜方面必試龍蝦意大利飯、大蝦意粉,甜品Tiramisu、村上隆設計的太陽花咖啡就最適合打卡!想知仲有哪些拉花圖案?按下圖即睇👇👇

Tiramisu($68)外表巨型,表層灑滿可可粉,夾層堆疊沾上咖啡酒的手指餅,咖啡甘香、可可粉不會太苦。(ig@ fefefood1026)
龍蝦意大利飯($198)。原隻龍蝦加充滿芝士的意大利飯,龍蝦汁意大利飯粒粒分明。(ig@ katherine.tt25)
村上隆太陽花圖案咖啡。(ig@ mudmudfollow)
村上隆太陽花圖案咖啡。(ig@ icylvckg)
餐廳提供不同圖案的咖啡拉花。(ig@ hungry_poohpooh)
牆上掛滿色彩繽紛的滑板、畫作等。(ig@ sophiaachung)
櫃子上放滿藝術精品做裝飾,客人也可以行逛,如果看中了就可以買走。(ig@ sophiaachung)

Lex Coffee

地址:西環堅尼地城卑路乍街100號地舖

電話:2149 9633

【第五站】📸海天一色絕美IG打卡地點@西環泳棚

西環鐘聲泳棚早於60年代建成,木板、竹棚搭成的泳棚原意鼓勵市民多游泳,由岸邊延伸出海的木橋,市民可以直接跳落水暢泳。筆直的長木橋由岸邊延伸入海,站在橋上影相、影海浪,仲可以在日落時分去影相,仲有機會影到粉色、橙色的天空做背景!按下圖即睇點影最靚📸👇👇

海天一色的畫面,再加上逆光的人影,非常有feel。(ig@ courtneychow0710)
坐在木橋上影就更有憂鬱的感覺,(ig@ luibobo)
有些大膽的人仲會行落泳棚打卡,不過要小心危險。(ig@ jean02060510)
影晒整個西環泳棚,波光粼粼的海面予人平靜之感。(ig@judjuman)
等到日落時分,可以望住個天慢慢地變色,非常浪漫。(ig@aigi.12)
不少人會停留在泳棚附近睇日落,此時影逆光照就有夕陽無限好的感覺。(ig@ chanwaihungjack201)

【第六站】🍲連續三年米芝蓮推介煲仔飯@嚐囍煲仔小菜

最後一站不能錯過米芝蓮煲仔飯!嚐囍煲仔小菜連續三年獲米芝蓮推介,主打各款炭火煲仔飯和中式點心,例如白鱔滑鷄冬菇煲仔飯、臘味排骨煲仔飯、臘味滑雞飯 ,亦有創意日式鰻魚煲仔飯。煲仔飯粒粒分明,飯不會過於硬身,飯焦可以整片起出來,香脆但不黏牙,充滿炭火香。按下圖即睇人氣煲仔飯🍲👇👇

白饍煲仔飯($88),白鱔份量多,魚肉厚、不會有腥味。(ig@ foodieshek)
臘腸排骨煲仔飯。(ig@ kitprincess)
日式饅魚煲仔飯($96),鰻魚份量多。(ig@ kitprincess)
超大片金黃色、微微焦黑的飯焦,香脆有咬口。(ig@ hk.good.food)
金黃色的飯焦是精華所在,煲仔飯夠乾身!(ig@ instaudreyttt)
咸魚肉餅煲仔飯($90)。(ig@ kitprincess)
排骨臘味飯($88)。(ig@ fonglamlam)
+3

嚐囍煲仔小菜

地址:西環堅尼地城北街25號地下

電話:2819 6190

😍😍 同場加映:煲仔飯全港人氣Top 10 實試元朗凱逸白鱔煲仔飯 金黃飯焦超香脆 😍😍

天氣轉涼要食熱辣辣的煲仔飯!港九新界都有不少高質煲仔飯,其中兩件更是米芝蓮推介名店。記者精選10間人氣煲仔飯,親身實試元朗人龍小店凱逸餐室的煲仔飯,仲食到大大塊金黃色飯焦,沒有令人失望。有一間仲主打自煉豬油撈煲仔飯,按下圖即睇🍲👇👇

2020米芝蓮必比登推介煲仔飯@坤記煲仔小菜

連續兩年獲得米芝蓮推介的坤記,招牌菜式有傳統港式的田雞、白鱔、臘味煲仔飯。煲仔飯甘香、口感偏硬,配料非常夠味。豉油是另上,味道偏甜,淋在煲仔飯上面非常濃味。飯焦也做得出色,微微焦脆的口感,沒有煲得焦黑。👇👇👇 按圖睇睇坤記的人氣煲仔飯款式、價錢 👇👇👇

臘味滑雞飯雞($100)雞肉嫩滑、臘腸潤腸只有半條、再加一塊臘肉,份量較少。(ig@ littlefoodiejojo)
白鱔煲仔飯($105)是人氣之選。(ig@ fattymattyc)
窩蛋牛肉飯($93)份量頗多。(ig@ annahailey_s)
臘腸排骨飯。(ig@ jacquelineoxy)
(ig@ win2lai_)
(ig@ foodstylic_)